ស្ត្រី ពាក់អាវទ្រនាប់ជាប្រចាំ ប្រឈមនឹងជំងឺមហារីកសុដន់

Published by សមាគម និងវិទ្យុសំលេងជនពិការភ្នែក on Monday, July 22, 2013 | No comments

ក្រុមអ្នកវិទ្យាសាស្ត្រ បានធ្វើការសិក្សាទៅលើទំនាក់ទំនងនៃការពាក់អាវទ្រនាប់ ទៅនឹងជំងឺមហារីកសុដន់។ ក្នុងនោះពួកគេបានបង្ហាញថា ដើម្បីបង្ការនូវជំងឺនេះ ស្ត្រីគួរពាក់អាវទ្រនាប់ ក្នុងរយៈពេលខ្លីបំផុត តាមដែលអាចធ្វើបាន ជាការល្អឲ្យបានតិចជាង១២ម៉ោងក្នុង១ថ្ងៃ។ ពេលវេលាដ៏សាកសម ក្នុងការផ្តល់ឱកាសឲ្យដើមទ្រូងរបស់ស្ត្រីបានសម្រាកនោះ គឺនៅពេលយប់។
ការសិក្សា បានបញ្ជាក់ទៀតថា ពាក់អាវទ្រនាប់ រយៈពេលយូរពេក អាចនឹងបង្កើនសីតុណ្ហភាពនៃជាលិការបស់សុដន់។ ចំពោះស្ត្រីដែលពាក់អាវទ្រនាប់រយៈពេលយូរ នឹងមានកម្រិតនៃអរម៉ូនប្រូឡាក់ទីន (ជាអរម៉ូនដែលមានមុខងារជំរុញឲ្យមានការផលិតទឹកដោះ) កើនឡើងខ្ពស់។
កត្តាទាំងពីរនេះ គឺអាចជំរុញឲ្យកើតជំងឺមហារីកសុដន់បាន។ លើសពីនេះ ការពាក់អាវទ្រនាប់ដែលមានសភាពតឹងណែន យូរពេក អាចនឹងផ្តល់គ្រោះថា្នក់ដល់សុខភាពបានផងដែរ នេះដោយសារតែ វាអាចទប់ស្កាត់ចរន្តទឹករងៃនៅក្នុងសុដន់ មិនឲ្យមានដំណើរការបានល្អ។ ជាធម្មតាទឹករងៃទាំងនោះ មានមុខងារលាងសម្អាតកាកសំណល់ និងកំចាត់ចោលជាតិពុល ចេញពីក្នុងដើមទ្រូងរបស់ស្ត្រី៕