ក្នុងពិធីពិព័រណ៍គ្រឿងអលង្ការ និងត្បូងមានតម្លៃនៅកម្ពុជាលើកទី៥កាលពីសប្ដាហ៍មុន កញ្ញា សុគន្ធ និសា និងអ្នកនាង សុខ ស្រីនាង បានបកស្រាយចម្រៀងពីរបទសុទ្ធតែទទួលបានការគាំទ្រច្រើនដូចគ្នាពីទស្សនិកជនចូលរួម។ អ្វីដែលពិសេស នៅលើដងខ្លួនតារាចម្រៀងទាំងពីរដួង បានរំលេចនូវគ្រឿងអលង្ការមានតម្លៃស្រស់ស្អាតដូចគ្នា។
អ្នកបានចូលរួមទស្សនាក្នុងពិព័រណ៍គ្រឿងអលង្ការ និងត្បូងមានតម្លៃបានលាន់មាត់គ្រប់គ្នាថា គ្រឿងអលង្ការនៅលើដងខ្លួនតារាទាំងពីរដួង សុទ្ធតែស្រស់ស្អាតដូចគ្នា បូករួមទាំងសំលៀកបំពាក់ច្នៃប្រឌិតខ្ពស់ពីហាងកាត់ដេរនានាក្នុងរាជធានីភ្នំពេញ។
អ្នកចូលរួមទស្សនាទាំងនោះបានផ្ដិតយករូបភាពគ្រឿងលំអនៅលើដងខ្លួនរបស់តារាទាំងពីរនៅពេលពួកគេមានវត្តមានច្រៀងនៅលើឆាក។
បណ្ដាអ្នកចូលរួមក្នុងពិព័រណ៍គ្រឿងអលង្ការ និងត្បូងមានតម្លៃសុទ្ធតែបានសរសើរថា ស្រស់ស្អាតដូចគ្នាចំពោះគ្រឿងអលង្ការលម្អដងខ្លួនរបស់តារាទាំងពីរខាងលើ ហើយគ្មានអ្នកណាម្នាក់ហ៊ានថាមួយណាស្រស់ជាងមួយណាទេ។
ចុះប្រិយមិត្តរបស់ Sabay វិញ គិតថារវាងគ្រឿងលំអនៅលើដងខ្លួនរបស់កញ្ញា សុគន្ធ និសា ឬក៏អ្នកនាង សុខ ស្រីនាង មួយណាមានភាពទាក់ទាញជាង? មួយវិញទៀត បើកុំគិតពីគ្រឿងអលង្ការ តើតារាទាំងពីរ មួយណាមានសម្រស់ស្អាតជាងទៅហ្ន៎?
0 comments: