ភ្នំពេញ ៖ បុរសម្នាក់ត្រូវបានសមត្ថកិច្ចប៉ូលិសខណ្ឌសែនសុខឃាត់ខ្លួនតាមបណ្ដឹងនារីរកស៊ីម៉ាស្សាកោសជប់ម្នាក់ប្ដឹងចោទប្រកាន់ថាបានចាប់រំលោភនាងបានសំរេចកាលពីយប់ថ្ងៃទី១៨ ខែកក្កដា ឆ្នាំ២០១៣ ប៉ុន្តែជនជាប់ចោទបានបដិសេធថាដំបូងត្រូវរ៉ូវតម្លៃគ្នាថ្លៃរួមរក្ស១០ដុល្លារ ថៅកែជាអ្នកយកទុកនាងខឹងទារលុយ១០ដុល្លាថែមទៀតមិនបានក៏ចោទប្រកាន់ថាជាការចាប់រំលោភទៅវិញ។
បុរសរងការចោទប្រកាន់នោះឈ្មោះភក្តី អាយុ២០ឆ្នាំ មានទីលំនៅក្នុងសង្កាត់ដង្កោ ខណ្ឌដង្កោ រាជធានីភ្នំពេញ។ ចំណែកឯនាងដើមចោទនោះវិញឈ្មោះ ហ.ស.ព អាយុ១៩ឆ្នាំ មុខរបរបំរើការក្នុងផ្ទះម៉ាស្សាកោសជប់ខ្យល់រកស៊ីបំរើសេវាផ្លូវភេទលួចលាក់ ខុសច្បាប់នៅចំណុចផ្ទះលេខ ២៤៤ ផ្លូវលេខ ២០០៤ ភូមិអូបែកក្អម សង្កាត់ទឹកថ្លាខណ្ឌសែនសុខ (ចំណុចផ្ទះកើតហេតុ)
ប៉ូលិសបានឲ្យដឹងការដែលសមត្ថកិច្ចឃាត់ខ្លួនជនជាប់ចោទឈ្មោះភក្តី គឺធ្វើតាមបណ្ដឹងរបស់នាងម្នាក់ឈ្មោះ ហ.ស.ព មុខរបរម៉ាស្សាកោសជប់ខ្យល់ ដោយបានធ្វើការចោទប្រកាន់ជនជាប់ចោទថាបានចាប់រំលោភបានសំរេចខណៈពេលនាងកំពុងម៉ាស្សាឲ្យគាត់កាលពីវេលាយប់ថ្ងៃទី១២ ខែកក្កដា ឆ្នាំ២០១៣។
ចំណែកបុរសជាប់ចោទវិញបាននិយាយបដិសេធថា ខ្លួនពិតជាបានរួមរក្សជាមួយនាងមែន ប៉ុន្តែមិនមែនជាការចាប់រំលោភនោះទេគឺត្រូវរ៉ូវតម្លៃគ្នាចំនួន១០ដុល្លារ បន្ថែមពីលើប្រាក់ឈ្នួលថ្លៃម៉ាស្សាកោសជប់ចំនួន១ម៉ឺនរៀលនោះប៉ុន្តែលុយ១០ដុល្លារ និង ១ម៉ឺនរៀលនោះ ម្ចាស់ហាងម៉ាស្សាកោសជប់ជាអ្នកយកលុយនោះទុក គឺនាងខឹងក៏ទាមទារ១០ដុល្លារពីខ្លួនបន្ថែមទៀតតែពុំមានលុយឲ្យគេក៏ប្រើល្បិចថា ចាប់រំលោភហើយឃាត់ខ្លួនម៉ូតូម៉ាក AX របស់ជនជាប់ចោទទុក។ លុះពេលបុរសនេះត្រឡប់មកយកម៉ូតូវិញត្រូវប៉ូលិសឃាត់ខ្លួនតែម្តងទៅ។
ចំណែកខាងអាណាព្យាបាលជនជាប់ចោទវិញបាននិយាយថា កូនប្រុសរបស់គាត់ចាញ់ល្បិចកលគេ រៀបចំគំរោងចោទប្រកាន់ដើម្បីតាមយកលុយពីកូនគាត់ថាបានចាប់រំលោភនាង។
ប្រភពព័ត៌មានពីក្រុមគ្រួសារជនជាប់ចោទនិយាយថា ដំបូងខាងស្រីគេទាមទារប្រាក់ចំនួន៥០០ដុល្លារ តែចុងក្រោយមកត្រូវរ៉ូវគ្នាទាមទារ៤០០ដុល្លារដោយនាងដើមចោទអះអាងថា តម្លៃនេះនាងនឹងដកពាក្យបណ្ដឹងចេញឈប់ប្តឹងផ្តល់។
ភាគីខាងក្រុមគ្រួសារជនជាប់ចោទនិយាយថា ជនជាប់ចោទជាក្មេងកំព្រាឪពុកម្តាយទេ ហើយគាត់ជាឪពុកម្តាយចិញ្ចឹមមានជីវភាពក្រីក្រដែរ ពុំមានប្រាក់គ្រប់គ្រាន់តាមការទាមទារនោះនៅឡើយទេ កំពុងតែរត់ការខ្ចីលុយគេមកបញ្ចប់រឿងនេះ៕ សឿន
0 comments: