ភ្នំពេញ: យុវជនម្នាក់បានរងរបួសរលាករលួយពេញខ្លួនដោយសារទឹកក្តៅចំហុយនំប៉ាវកំពុបលើ កាលពីវេលាម៉ោង ៨និង៣០នាទីយប់ ថ្ងៃទី២០ ខែកក្កដា ឆ្នាំ២០១៣ នៅចំណុចក្នុងបុរីប៉េងហួត ភូមិព្រែកប្រា សង្កាត់ព្រែកប្រា ខណ្ឌមានជ័យ។
ឪពុកជនរងគ្រោះបានឲ្យដឹងថា ជនរងគ្រោះឈ្មោះ ប៊ុន លាភ អាយុ១៨ឆ្នាំ ស្នាក់នៅភូមិព្រែកប្រា សង្កាត់ព្រែកប្រា ខណ្ឌមានជ័យ មានស្រុកកំណើតនៅភូមិព្រែកគាំ ឃុំព្រែកនាងផ្ទះ ស្រុកពោធិ៍រៀង ខេត្តព្រៃវែង។
នៅមុនពេលកើតហេតុកូនរបស់គាត់បានរុញរទេះលក់នំប៉ាវដូចសព្វដង ខណៈរុញមកដល់ចំណុចខាងក្នុងបុរីប៉េងហួត ក៏មានមិត្តភ័ក្តិ កូនជនរងគ្រោះ បានហៅឲ្យឡើងជិះម៉ូតូដើម្បីជូនទៅផ្ទះ ដោយជនរងគ្រោះជិះលើម៉ូតូ ដៃកាន់រទេះនំប៉ាវ អូស ទៅដល់ចំណុចកើតហេតុ ដោយសារតែមានទួលកាត់ ទទឹងផ្លូវ ធ្វើឲ្យម៉ូតូ និងរទេះនំប៉ាដួល បណ្តាលឲ្យជនរងគ្រោះជាកូនរបស់គាត់ ត្រូវទឹកក្តៅចំហុយនំប៉ាវ កំពុបស្រោចពេញខ្លួន។
ក្រោយកើតហេតុកូនរបស់គាត់ត្រូវបានមិត្តភ័ក្តិដឹកទៅសង្គ្រោះនៅមន្ទីរពេទ្យព្រះកុសុមៈភ្លាមៗផងដែរ៕
ប្រភពដើមពីៈ cen.com.kh
0 comments: