ភ្នំពេញៈ ចៅក្រមស៊ើបសួរនៃ សាលាដំបូងរាជធានីភ្នំពេញលោក អ៊ី ឋាវរៈ នៅថ្ងៃទី១០ ខែកក្កដា ២០១៣ នេះ បានសម្រេចចេញដីកាបង្គាប់ឲ្យឃុំខ្លួនបុរសចិនម្នាក់និងខ្មែរ ២នាក់ ដែលបម្រុងនាំនារីខ្មែរឆ្លងដែនទៅរៀបការនៅប្រទេសចិនដោយខុសច្បាប់ ទៅដាក់គុក នៅមន្ទីរពន្ឋនាគារ ព្រៃស ពីបទ«ការនាំចេញមិនស្របច្បាប់ដោយមានគោលដៅ»។
ជនសង្ស័យទាំង៣រូបខាងលើនេះ គឺមានឈ្មោះ ១-តៅ យូហុង ភេទប្រុស អាយុ ៣៤ឆ្នាំ ជនជាតិចិន រស់នៅប្រទេសចិន ២-ឈ្មោះ ណេន ឆេងលី ជនជាតិខ្មែរ ភេទស្រី អាយុ ៣១ ឆ្នាំ រស់នៅភូមិព្រែកកាំភ្លើង ឃុំកំពង់អំពិល ស្រុកពារាំង ខេត្តព្រៃវែង និង ៣-ឈ្មោះណេន សុខនី ជនជាតិខ្មែរ ភេទប្រុស អាយុ ៣២ ឆ្នាំ ស្នាក់នៅផ្ទះជួលលេខ១២៩អឺ០ ផ្លូវលំ សង្កាត់ច្បារអំពៅទី២ ខណ្ឌមានជយ័ រាជធានីភ្នំពេញ។
ពួកគេ ត្រូវបានត្រូវសមត្ថកិច្ច នគរបាលប្រឆាំងការជួញដូរមនុស្ស និងការពារអនិតិជន នៃ ក្រសួងមហាផ្ទៃ ធ្វើការឃាត់ខ្លួនកាលពី ថ្ងៃទី៧ ខែ កក្កដា ២០១៣ ពាក់ព័ន្ធនឹងការ អូសទាញ ស្ត្រីខ្មែរចំនួន ២ នាក់ ដើម្បីនាំទៅរៀបការ ជាមួយបុរសចិននៅឯប្រទេសចិន។
ប្រភពពី ភ្នំពេញប៉ុស្តិ៍
0 comments: