ពលរដ្ឋ​ម្នាក់ ជិះ​ម៉ូតូ បុក​គូថរ​យន្ត គេ​ចត​ស្ងៀម ធ្លាយ​ខួរ ស្លាប់​ខ្លួនឯង ទាំង​ព្រលប់​

ពលរដ្ឋ​ម្នាក់ បាន​ជិះ​ម៉ូតូ​ទៅបុក​គូថ​រថយន្ត ដែល​គេ​ចត​ស្ងៀម បណ្តាល​ស្លាប់បាត់ បង់ ជីវិត​ភ្លាមៗ នៅ​កន្លែង កើតហេតុ កាលពី​យប់​ថ្ងៃ​ទី ២១ ខែកក្កដា ឆ្នាំ​២០១៣ វេលា​ម៉ោង​៧​និង​១៥​នាទី នៅលើ កំណត់​ផ្លូវជាតិ​លេខ​៥ ម្តុំ​សាលាក្រហម ក្នុងភូមិ​សុរិយា​ថ្មី ឃុំ​កូប ស្រុក​អូរជ្រៅ ខេត្ត​បន្ទាយមានជ័យ។​

​មុន​កើតហេតុ ជនរងគ្រោះ បាន​បើក​ម៉ូតូ​យ៉ាង​លឿន ពី​កើត​ទៅ​លិច ហើយ​បាន​មក​បុក​គូថ​រថយន្ត ធុន​ធំ​មួយ គ្រឿង ដែល​ក្រឡាប់​ពី​ព្រឹក ហើយ​គេ​ទើបតែ​ស្ទូច យកមក​ដាក់​ចិញ្ចើមផ្លូវ បណ្តាលឲ្យ​បែកក្បាល​ធ្លាយ​ខួរ ស្លាប់​មួយ​រំពេច​។  ក្រោយ​កើតហេតុ នគរបាល​បាន​នាំ​យក​រថយន្ត និង​ម៉ូតូ​ទៅ​រក្សាទុក ដើម្បី​ដោះស្រាយ​គ្នា តាមច្បាប់​។ ដោយ ឡែក​សព​ត្រូវបាន​សាច់ញាតិ មក​ទទួល​ទៅ​ធ្វើបុណ្យ​តាម​ប្រពៃណី​៕​

ដើម្បីមើលពត៌មានដើម សូមចុចត្រង់នេះ