បុរសម្នាក់លោតបុកត្រូវកញ្ចក់ឡានក្រុង ហូរឈាមស្រោចខ្លួន

ចិន៖ កាលពីពេលថ្មីៗនេះ​មានហេតុការណ៍​ដ៏គួរអោយ​ភ្ញាក់ផ្អើល ដែលបុរស​ម្នាក់បាន​លោត​ទៅបុក​ត្រូវកញ្ចក់​ឡាងក្រុង​បណ្តាល​អោយ​បែកក្បាលហូរឈាមស្រោចខ្លួនគួរអោយរន្ធត់។ ហេតុការណ៍នេះបានកើតឡើងនៅក្នុងតំបន់ Chaoyang ទីក្រុង Beijing ប្រទេសចិន ហើយបុរសរងគ្រោះនោះមិនត្រូវបានគេស្គាល់អត្តសញ្ញាណឡើយ។ តាមប្រភពពត៌មានបានអោយដឹងថា បុរស​នោះមិន​ដឹងជា​លោត​យ៉ាងម៉េចទេបានទៅបុកនឹងកញ្ចក់ឡានក្រុង ដែលកំពុងតែធ្វើដំណើរយ៉ាងលឿនបណ្តាលធ្លុះកញ្ចក់ឡាន និងធ្វើ​អោយអ្នក​ដំណើរ​ក្នុង​ឡានក្រុងភ័យយ៉ាងខ្លាំង ហើយបុរសនោះផ្លោងបែកក្បាលហូរឈាមស្រោចពេញខ្លួន។ ក្រោយពីកើត​ហេតុការណ៍រួច​បុរសនោះ​ត្រូវ​ប៉ូលីសបញ្ចូនទៅព្យាបាលរបួសនៅមន្ទីរពេទ្យ រួចបញ្ចូនទៅប៉ុស្តិ៍ប៉ូលីស ដើម្បីសាកសួរពត៌មាន។

ប្រភពៈ Khmer-note