ខេត្តកំពង់ស្ពឺ៖ ស្រ្តីម្នាក់ត្រូវបានសមត្ថកិច្ចឃាត់ខ្លួនបន្ទាប់ពីគេប្តឹងអំពីបទលួចឈើ ក្រោយពីស្រ្តីរូបនោះបានយករថយន្តចូលទៅដឹកឈើចេញពីដីលំនៅឋានគេមួយកន្លែងស្ថិតនៅក្នុងស្រុកភ្នំស្រួចកាលពីថ្ងៃទី១០ ខែកក្កដា ឆ្នាំ២០១៣ ។
ប្រភពព័ត៌មានរបស់យើងបានឲ្យដឹងថា រឿងចោទប្រកាន់ខាងលើនេះគឺជារឿងស្នេហាត្រីកោណ ព្រោះស្ត្រីដែលជាប់ចោទនោះជាប្រពន្ធដើម រីឯអ្នកប្តឹងគឺនាងចុងហើយដើមហេតុនៃរឿងនេះគឺដោយសារតែនាងដើមដឹងថា ប្តីខ្លួនបានយកលុយទៅទិញឈើឲ្យនាងចុងធ្វើផ្ទះ ទើបនាងដើមមិនសុខចិត្តក៏នាំគ្នីគ្នាទៅដឹកឈើនោះ យកមកវិញ តែមិនទាន់ដឹកបានផងស្រាប់តែត្រូវនាងចុងនោះប្តឹងសមត្ថកិច្ចឃាត់ខ្លួនតែម្តង។
ទាក់ទិននឹងសំណុំរឿងនេះលោក សោម បូរ៉ា ស្នងការរងទទួលបន្ទុកព្រហ្មទណ្ឌនិងលោក សម សាក់ នាយការិយាល័យព្រហ្មទណ្ឌមិនអាចសុំការបំភ្លឺបានទេ ព្រោះមិនទាន់ទាំងសុំការបំភ្លឺផងលោកសម សាក់ ស្រែកខ្លាំងៗបញ្ជាឲ្យកូនចៅទះកំផ្លៀងអ្នកណាដែលថតរូបឡាននិងឈើ ដែលកំពុងតែមានការប្តឹងផ្តល់នេះ។
ប្រភពព័ត៌មានបានបន្តថា សំណុំរឿងនោះត្រូវបាននាងចុងទាមទារប្រាក់ចំនួន១០០០ដុល្លារ ដើម្បីបញ្ចប់រឿងហើយមានការសម្របសម្រួលពីអស់លោកសមត្ថកិច្ចផងដែរ ៕
ប្រភព អង្គរធំមេឌា
0 comments: